كتبت الاعلامية/ايمان خليفة

كل يوم أصحى الصبح وعندي سؤال محيرني هو إحنا ليه بقينا كدا ليه الناس صعبة الحياه على نفسها ليه مبقاش فيه سهولة في التعامل مع قريب وبعيد سهولة في العمل أو الشغل سهولة في الزواج والعفه سهولة في شراء اي سلع سهولة في الحب والارتباط سهولة في معرفة معدن الناس عارفين

ليه عشان قل البركة والرضا والخوف من الله وعدم الرجولة والستات الان هي كل شئ إلا من رحم ربي ومحدش يدخل معايا في جدال كل البيوت إلى فيها مرأه عامله لعدم قدرة الراجل بالمسؤليه ومراعاة بيته وزوجته وولاده فطبيعي الراجل للشغل والست للشغل هو يرجع الراجل عايز ياكل وينام او يقعد على قهوة او اي متطلبات ليه

وكفى لا يعرف شئ عن ولاد ولا عن زوجه تعبت ازاي في يومها او عدي ازاي ولا اي متطلبات واذا الزوجه فتحت بوقها وطلبت شئ نكديه ومعندهاش دم و أوفر ومش بتحس ومبتعملش حاجه طول النهار ومش زي الستات دي زي البومه هي ترجع من الشغل تحضر الغدا حتى لو بلبس خروجها وتغسل وتنظف المطبخ

وتشوف متطلبات ولادها وزوجها وتشوف تنضيف البيت وتذاكر للولاد ولو في حد من الولاد تعب تبقى ليه ممرضه ودكتوره وساعات سباكه لو حاجه باظت تصلحها وساعات كهربائيه وساعات نجارة وتنزل تشتري الخضار ومتطلبات البيت

والسوبر ماركت وتقعد تنضف خضار وتعمله ويطلع عينها فيه وفي كل الكركبه إلى بتبقى بسبب الخضار وتشوف لو في مشوار لحد من قريبها او أهلها الواجب ياعنى إلى عليها وساعات كتير بتبقى لوحدها اكنها مش متجوزه البيه في البيت نايم

وترجع أخر الليل مطلوب منها تتزين وتتشيك لسعادة الاستاذ إلى دماغه أصلا متستوعبش كم الضغوط اليوميه على المدام وهو مش حاسس وفي النهايه انتي ست انتي ملكيش لازمه طيب هي بتعمل كل دا وملهاش لازمه طب حضرتك لازمتك إيه ودورك إيه في الحياه لا ومتنسوش الست

ودورها في المدارس والجامعات من تقديم لاخره ودروس ومدارسين ووجع قلب وكمان دورها مع الكباتن لو ولادها بيلعبه اي رياضه ومرواح ومجي ولما بيكبره نزول للشبكة وللفستان والقاعه وبعد كدا الجهاز وكل شئ الست طيب هما ولادها لوحدها لا طبعا بالمختصر المفيد كل إنسان فينا لو حدد دوره صح في الحياه زي ما ربنا سبحانه

وتعالى أمرنا بيه هنعيش جميعا مرتاحين من ست وراجل وبلاش فتحت صدر الستات والجدعنه الزياده الي ملهاش تلاتين لازمه ليه بقول كدا عشان تنتجوا أجيال محترمه ومتربيه وعارفه إلى ليها والى عليها علموا ولادكم الولاد أنه ازاي يبقى راجل ويغير على عرضه وشرفه وانه راعي مسؤل عن رعيته وعلموا بناتكم ان الست لازم تطيع زوجها وتخاف ربنا فيه

وتتم مسؤوليتها على أكمل وجه بجد أدركت الان اني مفيش رضا بسبب طمع الناس والاغلال والاحقاد الي وصلت للبيوت والأخوات والأهل والأصدقاء والمعارف كفى بقى فوقه لو انت صاحب عمل شغل الناس باحترام وأدب

واتقي الله في أي ست جايه تشتغل مهي لو شمال مش هتجيلك أصلا وهتتبع أمور أخرى مش عشان أغراض قذره منك تزل الناس ولو هتشغل راجل أعطيه حق تعبه وشقاه معاك ويبقى مرتب أدامي يقدر يعيش بيه ولاده ويبقى مبسوط

وهو جاي الشغل عندك ارحموا بعض وخافوا الله في بعض وكل أب اتقي الله في ولادك وزوجتك وكل أم خافي ربنا في ولادك وزوجك رجعوا تاني الرحمة والحب والموده والعادات والتقاليد انتوا بشر ربنا سبحانه وتعالى أنعم عليكم بنعمة العقل عن ثائر مخلوقاته عشان تفكروا بيه مش تلغوه من حياتكم وبلاش العند بين الأزواج طلقتها

أصرف على ولادك حسابك عسير عند الله طلقك خافي ربنا في ولادك وانسى العوض خير وكبير عند الله كل عم وخال وست وجد اتقوا الله في لحمكم وخافوا عليه واسألوا على الي منكم وصداقتكم للقريب افضل من الغريب بلاش فشخره كدابه

وبلاش أفتراء اتقوا الله ليوم ترجعوا فيه إلى الله كل إنسان يرجع يعيد نفسه تاني عشان بركة ربنا ترجع لنا تاني ورجعوا إلى راح منكم بالحنيه والطبطبه واعرفوا انها متر في متر وكله سلف ودين وربنا مبيضيعش تعب مخلوق الحياه بقت صعبة من كتر صعوبتنا احنا على بعض نسهلها على بعض عشان نعيش

ونخفف على بعض مش مستهله قسوة اتمنى من الله عز وجل أن يفك كرب المكروبين وانا منهم وان يسترنا فوق الأرض وتحت الأرض ويوم العرض عليه

وان يعطينا حتى ترضى اللهم امين يارب العالمين وآخر دعوانا اللهم صل وسلم وبارك على سيدنا محمد وعلى آله وصحبه أجمعين وسلم تسليما كثيرا إلى يوم الدين

تحياتي ايمان خليفة